google-site-verification: google9ddfc8de27736b83.html معلومات عن سيارات المعاقين سؤال وجواب | الجراج اوتو معلومات عن سيارات المعاقين سؤال وجواب - الجراج اوتو

معلومات عن سيارات المعاقين سؤال وجواب

سيارات المعاقين .سيارات ذوى الهمم. سيارات ذوى الاحتياجات الخاصة .سيارات معفية من الجمارك 
كل دى مسميات فى السوق المصري وليها نفس المعنى او المغزى هنتكلم عن الامتيازات للنوعية دى من السيارات على هيئة سؤال وجواب علشان نسهل عليكو المعلومة ونحاول نوصلهالكو بابسط طريقة ممكنة 

1 ياعنى ايه عربية ذوى الاحتياجات الخصة 
عربية ذوى الاحتياجات الخاصة هى عربية وخدة اعفاء كلى من الجمارك ومجهزة طبيا منحتها الحكومة ل اخواتنا ذوى الهمم حق استيرادها تسهيلا عليهم مصاعب التنقل
2 مين مستحق السيارة وهل ينفع اى حد يسوقها 
مستحقين السيارة هم ذوى الهمم وكان على القا نون القديم لا يقودها الا مالكها بس مع القانون الجديد الى اتطبق والى منه المرحلة الاولى وضم اعاقات جديدة كثير سمحو ل مرافق بالقيادة 
3مين المرافق الى ينفع يسوق العربية وايه شروطه 
المرافق ليه صورتين الصورة الاولى قريب من الدرجة الاولى والصورة اثانية سائق برخصة مهنية ومؤمن عليه 
4 هل اخويا او اختي يقدر سوق عربيتي
الاخ والاخت فى القانون المصري مش قريب من الدرجة الاولى لاكن فى احتمال تعديل القانون لان الى يسوق يكون قريب من الدرجة التانية تسهيلا على اخوتنا اصحاب الهمم لان الاغلبية الاب والام كبير فى السن والاخ هو الى بيسوق 
5 هل المرافق يقدر يخرج برة المحافظة بالعربية ومالكها مش معاه 
للاسف انتشرت اشاعة ان المرافق ميقدرش يخرج برة المدينة وصراحة مفيش نص فى القانون بيلزم المرافق ميتحركش بالعربية لوحده ك مثال لو المرافق رايح يحجز عند دكتور فى محافظة تانية مش محتاج ياخد معاه المالك 
6منين اقدر اشترى عربية ذوى الهمم 
من تجار السيارات فى المناطق الحرة او من تجار بيستوردو باسمك مباشرة او لو ليك حد برة مصر بيشتريهالك ويبعتهالك مع اى شركة شحن باسمك على اقرب ميناء ليك
7ازاى اقدر اطلع الاوراق المطلوبة لاستيراد سيارة 
هنتكلم عن موضوع الاوراق ب مقالة منفصلة لان تفاصيلها كثير بس باختصار حضرتك بتروح اقرب مستشفى حكومى وتطلع تقرير بحالتتك وترفعه على موقع التضامن الاجتماعى او توديه  للمكتب التابع لمنطقتك لاستخراج الكارت الذكى وبعدين بتقدم من خلال الموقع الخاص بالمجالس الطبية لتحديد ميعاد للكشف وبعد الكشف بيطلع الجواب وبيروح للجمارك من قبل المجالس الطبية وهنا انت بتكون جاهز لشراء السيارة 
8هل العربية معفية من مصاريف الترخيص 
مفيش شك ان العربيات زوى الهمم بتاخد بعض الخصم اثناء الترخيص لاكن للاسف المبلغ بردو كبير 

ليست هناك تعليقات:

إرسال تعليق